𝗛𝗼𝗲 𝗵𝗲𝘁 𝗷𝘆 𝗼𝗽𝗴𝗲𝗲𝗶𝗻𝗱𝗶𝗴 𝗯𝘆 𝗧𝗿𝗼𝘂 𝗜𝗱𝗲𝗲𝘀?

Oor die jare volg ek nog altyd Trou Idees. 5 jaar terug het ek my eie troue ook beplan met die hulp van Trou Idees. Ek doen al vir die afgelope 5 jaar animasie video uitnodigings vir troues, waar ek die paartjie se liefdesverhaal vat en dit in ‘n animasie omskep. Dit is waar my liefde vir paartjies en troues begin het, elke paartjie se storie is so uniek en dit is werklik mooi om hul liefde vir mekaar te sien.

Ek het ook korporatiewe animasies gedoen vir ’n ruk maar het net besef die korporatiewe wereld maak my nie gelukkig nie. My man het nog altyd gese ek moet nog iets doen in troues, maar deur kinders kry het ek nooit daarby uit gekom nie.

Kort na my tweede baba se geboorte het ek die advertensie gesien dat Trou Idees te koop is en toe grap ek net met my man en se, kom ons koop dit! Hy is ‘n besigheidsman en het dadelik die potensiaal gesien, en wel, hier is ons nou!

 𝗪𝗮𝘁 𝗶𝘀 𝗱𝗶𝘁 𝘃𝗮𝗻 𝗧𝗿𝗼𝘂𝗲𝘀 𝘄𝗮𝘁 𝗷𝗼𝘂 𝗵𝗮𝗿𝘁 𝘃𝗶𝗻𝗻𝗶𝗴𝗲𝗿 𝗹𝗮𝗮𝘁 𝗸𝗹𝗼𝗽?

Ek is ’n ‘sucker’ vir romanse. My man rol al sy oë as hy sien ek is besig om nog ‘n Hallmark romantiese fliek te kyk, haha! Daar is net iets regtig spesiaal van twee mense wat saam hul familie en vriende by mekaar kom en trou aan mekaar beloof voor die Here. ’n Rukkie terug het ons ’n ‘styled shoot’ gedoen waar die bruid en bruidegom ’n rukkie terug getrou het en so gaaf was om vir ons model te kom speel. Toe hulle mekaar in die oë kyk was die liefde aansteeklik en daai oomblik is regtig net ‘magical’. Dit is sulke oomblikke wat mens laat aanhou wanneer dinge ‘tuff’ raak in die huwelik.

Of jy nou ’n klein goedkoop troue of ’n duur groot troue hou, elke dame verdien haar spesiale dag en elke dag is uniek en besonders op hul eie manier. Op die ou end van die dag is dit belangriker dat jou huwelik net so mooi of dalk nog mooier is as jou troudag self!

𝗪𝗮𝘁 𝗶𝘀 𝗷𝗼𝘂 𝗴𝘂𝗻𝘀𝘁𝗲𝗹𝗶𝗻𝗴 𝗱𝗿𝗮𝗻𝗸𝗶𝗲 𝗲𝗻 𝘃𝗲𝗿𝘀𝗻𝗮𝗽𝗽𝗲𝗿𝗶𝗻𝗴?

Jy kan my omkoop met een van die beste cappuccinos, ek is (ongelukkig) ‘n koffie snob. Jy sal my ook gereeld vang met ’n stuk koek of lindt sjokolade.