Marinel, het van niks geweet nie. Dit was ‘n baie groot geheim gewees vir haar. Sy het niks verwag nie. Alhoewel al haar familie van alles geweet het. Almal het die verlowing ‘n geheim gehou.

Hoe het Petré haar gevra:
Ek het vir Marinel gesê van ‘n fotograaf wat ek ken in Ballito, waar ons Kersfees en Nuwejaar gaan spandeer het, 2023 in 2024 in. So het ek vir ons ‘n “photoshoot” beplan op die strand. Sonsopkoms “shoot”. Toe die wekker 04:00 afgaan, het dit buite gereën, maar ons het albei besluit om deur te druk met die omstandighede (dankie tog daarvoor, minwetend). Thompsons Bay, die strand, was waar ek haar gevra het, op ‘n hoë uitkyk punt oor die see. Die reën was ‘n positiewe bysaak want ons sien dit as groot geluk en seëning. Sy het gedink dis ‘n doodgewone “photoshoot” en toe eindig dit in ‘n baie spesiale verlowing. Grootste oomblik van ons lewens.

Hoogtepunte voor verlowing:
Alles. Elke gesprek. Elke kuier. Hoe alles spontaan na ons verlowing toe verloop het is “insane”. Ons het baie “roadtrips” saam gedeel en mekaar op so manier nog beter leer ken. Die hoogtepunt was om te besef dat ons twee nie sonder mekaar hierdie ervarings wil beleef nie. Ek het besef dis presies wat ek wil hê in ‘n vrou en tyd het dit net meer bevestig.

Ek het self op die ring besluit. Carlo Hayes was die ontwerper van haar ring. Dis ook waar Marinel my ring laat maak het. Haar ring was toe ontwerp presies soos wat ek dit wou gehad het. Sy sê dat as sy self die ring ontwerp kon kies, sou sy NIKS verander het nie. Sy “love” dit. Dit pas perfek by haar.