Die hoof Bruidsmeisie
- Hou die bruidegom se ring (as daar nie iemand is wat ringe inbring nie).
- Maak seker die bruid se sluier en rok is ten alle tye reg en mooi.
- Hou die bruid se ruiker tydens die seremonie.
- Help die bruid met die uitsoek van haar rok.
- Verskaf haar mates vir die maak/aankoop van haar bruidsmeisie rokke.
- Help met die reëlings van die kombuistee sowel as die henne partytjie.
- Help die bruid om reg te maak op haar troudag.
- Betaal vir haar bruidsmeisie rok, skoene en bybehore.
- Voorsien haar eie vervoer en akkommodasie na en vanaf die troue.
- Help die bruid met take en pligte.
- Neem deel wanneer die bruid haar ruiker gooi (as hulle nog ongetroud is).
Die Bruidsmeisies
- Help die bruid met die uitsoek van haar rok.
- Verskaf hul mates vir die maak/aankoop van hul bruidsmeisie rokke.
- Help met die reëlings van die kombuistee sowel as die henne partytjie.
- Help die bruid om reg te maak op haar troudag.
- Betaal vir hul bruidsmeisie rokkies, skoene en bybehore.
- Voorsien hul eie vervoer en akkommodasie na en vanaf die troue.
- Help die bruid met take en pligte.
- Neem deel wanneer die bruid haar ruiker gooi (as hulle nog ongetroud is).
Die Blommemeisie
- Dra ‘n mandjie gevul met roosblare en strooi die grond daarmee voor die bruid instap.
- Neem fotos na afloop van seremonie saam met die bruidspaar.
- Haar ouers betaal vir haar rokkie, skoene en bybehore.
- Haar ouers voorsien hul eie vervoer en akkommodasie na en vanaf die troue.
Die Ringdraer
- Dra ‘n ringkussingtjie en neem dit na die bruidspaar tydens die uitruiling van ringe.
- Neem fotos na afloop van seremonie saam met die bruidspaar.
- Sy ouers betaal vir sy uitrusting, skoene en bybehore.
- Sy ouers voorsien hul eie vervoer en akkommodasie na en vanaf die troue.
Die Hoof Strooijonker
- Verskaf sy mates vir die maak/aankoop van sy pak.
- Betaal vir sy pak, skoene en bybehore.
- Voorsien sy eie vervoer en akkommodasie na en vanaf die troue.
- Maak seker dat diensverskaffers uitstaande geld ontvang op die dag van die troue.
- Maak seker die bruidegom is op tyd klaar en reg.
- Verwelkom gaste by die seremonie.
- Stel die eerste heildronk op bruidspaar in by die onthaal.
- Reël die ram partytjie.
- Help die bruidegom met take en pligte.
- Neem deel aan die kousband gooi (as hy ongetroud is)
Die Strooijonker
- Verskaf hul mates vir die maak/aankoop van hul pakke.
- Betaal vir hul pakke, skoene en bybehore.
- Voorsien hul eie vervoer en akkommodasie na en vanaf die troue.
- Vergesel gaste by seremonie na hul sitpekke (laat die bruid se gaste aan die linkerkant en bruidegom se gaste aan die regterkant sit.)
- Help met die uitdeel van programme.
- Wys gaste na die onthaal lokaal.
- Help om almal bymekaar te kry vir fotos.
- Neem deel aan die kousband gooi (as hulle ongetroud is).
Thumbnail foto: Unveil-photography